Imajinatzen duzue nolakoa izango den etorkizuna?
Bideo honetan iritzi bat ikus dezakezue.
Bideoa 2051. urtean kokatzen da, eta bizitza urte horretan nolakoa den azaltzen digu, gaur egungo Teknologia Berriei dagokionez:
Bideoak dioenez, guztia internetekin hasi zen pasaden mendearen bukaeran, eta pixkanaka pixkanaka, gauza guztiak interneten hasi ziren oinarritzen. Irratia internetetik entzuten zen eta ez "irrati fisikotik", telebistarekin berdin, egunkariarekin berdin... Guztia online egin ahal zen, eta horren ondorioz, gauza fisikoak desagertzen joan ziren, guztia digitalizatu zen arte. Horrela sortzen da Prometeus.
Nire ustez, bideoak dioena gehiegizkoa da, baina agian horrela izango da etorkizuna...
Bideoak esaten dituen gauza batzuk, egileak etorkizunekoak ikusten ditu (adibidez, zer gertatuko da 2009. urtean?) baina guk horretan asmatu duen edo ez ikus dezakegu; eta gauza askotan asmatu egin du:
- Doako irratiak interneten zabaltzea.
- Eragin handiko blogak
- Doako egunkariak: Adibidez metroaren atean ematen direnak.
- Doako interneta. Adibidez, Wifia dagoen lekuetan.
- Edozein lekutan interneten sartzeko aukera: Wifia, ordenagailu portatilak, mugikorrak...
- Interneten inbertsio publizitario handia egitea.
Gauza da, bideoak planteatzen digun etorkizunarekin ados gaude? Mundu horretan bizi nahi dugu?
Eskolak eta guk geuk zerbait egin dezakegula uste dut. Ezin gara hainbeste oinarritu Teknologia Berrietan, hauek osagarriak izan behar direlako. Baliabide tradizionalak erabiltzen jarraitu behar dugu, bai eskolan bai gure bizitza normalean.
Zer uste duzue?
No hay comentarios:
Publicar un comentario